Jolaýshylar júginen baǵaly buıymdar urlaǵan áýejaı qyzmetkerleri ustaldy
ASTANA. 1 qyrkúıek. QazAqparat - Nıý-Iorktiń Djon Kennedı atyndaǵy áýejaıynyń qaýipsizdik qyzmeti jolaýshylardyń baǵaly buıymdaryn urlaǵan jeti qyzmetkerdi ustady. Olardyń barlyǵy da El Al Israel áýekompanııa qyzmetin paıdalanýshylardyń júkterin suryptaýmen aınalysqan, dep habarlady vesti.ru.
Jolaýshylar birneshe márte júkterindegi baǵaly buıymdardyń joǵalǵandyǵy týraly shaǵym túsirgennen keıin áýejaıdyń qaýipsizdik qyzmeti El Al Israel áýekompanııasyna qyzmet kórsetiletin júk keshenine beınebaqylaý ornatqan. Jasyryn kameranyń arqasynda qaýipsizdik qyzmetkerleri urylardyń kim ekendigin anyqtady. Olardyń páterlerin tekserý barysynda urlanǵan baǵaly saǵattar, áshekeı buıymdary, fototehnıkalar, Apple qurylǵylary tabyldy.
