Jolaýshylar vagondarynyń tozýy 70 paıyzdan 53 paıyzǵa deıin tómendedi - QR IDM
ASTANA. QazAqparat - Úsh jylda jolaýshylar vagondarynyń tozýy 70 paıyzdan 53 paıyzǵa deıin tómendedi. Bul týraly búgin Astanada temirjol kóligin damytýǵa arnalǵan keńeste QR IDM Kólik komıteti Temirjol kóligi basqarmasynyń basshysy Nurbek Qabıjan málim etti.
«Jolaýshylar tasymaly quramynyń tozýy 70-ten 53 paıyzǵa deıin tómendedi. Bıletterdi elektrondy tásilmen satý kólemi bes esege ósti. Halyqtyń qajettiligin qanaǵattandyrý úshin jolaýshylar tasymalynda qosymsha 500 jańa vagon satyp alynyp, 10 jańa júrdek jolaýshylar poıyzy paıdalanýǵa berildi», - dedi N. Qabıjan.
Sonymen qatar ol qyzmet sapasyn qadaǵalaý maqsatynda jolaýshylarǵa vokzaldar men poıyzdarda qyzmet kórsetýdiń Ulttyq standarty engizilgenin atap ótti.
