Jolaýshylar úshin qoǵamdyq kólikterdiń barlyq esikteri ashylatyn boldy
ASTANA. QazAqparat - Qyrkúıek aıynda jolaýshylardy otyrǵyzý/túsirý úshin elordadaǵy qoǵamdyq kólikterdiń barlyq esikteri ashylatyn bolady, dep habarlaıdy astana.kz.
Bul shara jolaýshylar aǵynynyń maýsymdyq artýyna baılanysty qabyldandy.
Esterińizge sala keteıik, saralanǵan tarıfti engizýge baılanysty jolaýshylardy otyrǵyzý/túsirý tártibi ózgertilgen bolatyn.
Jolaýshylardy tasymaldaý erejesiniń №1061 83-tarmaǵyna sáıkes avtokólik quralyna jolaýshylardy otyrǵyzý jáne túsirý mynadaı tártippen júredi:
1) shaǵyn avtobýstarda aldymen jolaýshylardy túsirý, odan keıin otyrǵyzý júrgiziledi;
2) eki jáne odan da kóp esikti avtobýstar jolaýshylardy túsirgende aldyńǵy esikten basqa barlyq esikter arqyly júrgizedi, al otyrǵyzý aldyńǵy esik arqyly.
84. Artqy esik arqyly otyrǵyzý quqyǵyn tek múgedekter ǵana paıdalanady.
85. Kezekten tys otyrǵyzý quqyǵyn múgedekter, zeınetkerler, júkti áıelder, mektep jasyna deıingi balalary bar jolaýshylar paıdalana alady.
