Jolaýshylar ushaǵynyń ushqyshy shtýrvalda otyryp uıyqtap ketken
ASTANA. QazAqparat - Avstralııanyń Vortex Air áýe kompanııasyna tıesili Piper PA-31 Navajo jolaýshylar ushaǵynyń ushqyshy áýede uıyqtap ketken. Sonyń saldarynan Devenporttan Kıng aralyna bara jatqan ushaq 46 shaqyrym artyq ushqan, dep habarlaıdy QazAqparat dailymail.co.uk basylymyna silteme jasap.
Abyroı bolǵanda, ushqysh oıanyp, ushaqty áýejaıǵa qondyra alǵan. Eshkim zardap shekpegen.
The Daily Mail basylymynyń jazýynsha, oqys oqıǵa 8 qarashada bolǵan. Biraq bul týraly endi habarlanyp otyr.
Qazir Avstralııada ushqyshtyń eńbekke qabilettiligin tekserip jatyr.
Piper PA-31 Navajo ushaǵy 1980 jyldan beri shyǵarylady. Resmı málimetter boıynsha, ushaqtyń ekıpajy eki adamnan turady.
