Jolaýshylar ushaǵy jańylysyp, AQSh áskerı-áýe kúshteri bazasyna qonǵan
ASTANA. QazAqparat - Delta Air Lines áýe kompanııasynyń jolaýshylar ushaǵy Ońtústik Dakota shtatyndaǵy azamattyq áýejaıǵa qonýdyń ornyna AQSh áskerı bazasynyń aerodromyna qonǵan, dep habarlaıdy RIA Novostı.
Azamattyq áýe kemesimen bolǵan oqıǵa beısenbi kúni Elsýort ÁÁK bazasynda oryn aldy. A320 áýe laıneriniń bortynda Mınneapolıs áýejaıynan Repıd-Sıtı áýejaıyna ushqan 130 jolaýshy bolǵan.
Aerodromdaǵy saqtyq sharasy retinde áskerıler ushaqty qorshap, jolaýshylarǵa ıllıýmınator perdelerin jabýdy buıyrǵan jáne ushaqty ıtpen tekserip shyqqan.
Sońynda laıner ushýǵa ruqsat alyp, Repıd-Sıtı áýejaıyna úsh saǵat keshigip qondy.
Aldyn ala aqparattar boıynsha, áskerı baza men azamattyq áýejaı arasy 8 shaqyrym bolsa da, ushqysh kompas baǵdarynda birdeı kórsetilgen ushý-qoný jolaqtaryn shatastyryp alǵan.
Áýe kompanııasy ushqyshtardyń jumystan ýaqytsha shettetilgeni týraly habarlady.
