Jolaýshylar ushaǵy mańynan belgisiz nysan ushyp ótti
ASTANA. QazAqparat - 28 qyrkúıekke qaraǵan túni Tomsk oblysy áýe keńistiginde úsh jolaýshylar laıneriniń ekıpajy jaryq shashqan tylsym nysandy baıqady, dep jazdy Newsru.com.
Agenttiktiń málimetteri boıynsha, «Aeroflot» ushaqtarynyń Qytaı jáne Koreı áýe joldarynyń ushý ekıpajdary Máskeý ýaqytymen túngi úshte Tomsk oblysynan 120 shaqyrym jerde jaryq shashqan núkteni baıqaǵan. Az ýaqytta ol núkte bólikterge bólinip, tarap ketken.
Aldyn ala boljam boıynsha, ekıpajdar meteorıttiń jer atmosferasyna enýin jáne janyp ketýin kórýi múmkin, deıdi aqparat kózi. Onyń aıtýynsha, atalǵan aýdandaǵy áýe oqıǵasyn tótenshe qyzmetter rastaǵan joq.
Osy aptada Omby planetarıiniń dırektory Vladımır Krýpko oblystyń soltústigindegi Znamensk aýdanynda bolǵan jer qozǵalysy meteorıttiń qulaýynan dep boljaǵan edi. Qýaty 4,7 magnıtýda boldy dep habarlanǵan jer silkinisin aımaqtyq TJM teriske shyǵardy, dep habarlady jergilikti BAQ.
Ótken jyldyń qarasha aıynda Omby turǵyndary aspannan erekshe jarqyraǵan nysan kórip, ony BUN nemese meteorıt dep oılaǵan edi. Alaıda, olardyń Astarahan oblysyndaǵy Kapýstın ıAr polıgonynan strategııalyq maqsattaǵy zymyran áskerleriniń RS-12M «Topol» qurlyqaralyq ballıstıkalyq zymyranyn synaý úshin ushyrylǵany anyqtaldy.
