«Jolaýshylar tasymaly» poıyzda múgedek bolyp qalǵan jolaýshyǵa 1 mln tóleıdi
ASTANA. QazAqparat - Astana qalasy Esil aýdanynyń soty «Jolaýshylar tasymaly» AQ-ny poıyzdaǵy oqıǵadan keıin múgedek bolyp qalǵan jolaýshyǵa 1 mln teńge tóleýdi mindettedi, dep habarlaıdy QazAqparat.
«2016 jyly «Atyraý-Mańǵyshlaq» baǵytyndaǵy poıyzda kele jatqan azamat A. vagondardyń arasymen óte bere, tambýrdyń esigin jappaq bolǵan. Soqqydan tambýr esiginiń terezesi usaqtala synyp, olardyń biri jolaýshynyń oń kózine tıgen. Alǵan jaraqaty saldarynan azamat A. úshinshi toptaǵy múgedek bolyp qaldy, oń kózi kórmeıdi», - delingen Astana qalalyq sotynyń resmı saıtynda.
Esil aýdandyq sotynyń sheshimimen «Jolaýshylar tasymaly» AQ jolaýshynyń paıdasyna 1 mln teńge kóleminde moraldyq shyǵyndy óteýge mindetteldi.
Úkim zańdy kúshine endi.
