«Jolaýshylar tasymaly» kompanııasy poıyz bıletin satatyn mobıldi qosymshany iske qosty

NUR-SULTAN. QazAqparat - «Jolaýshylar tasymaly» AQ elektrondy bılet satýdy jetildirý maqsatynda Android platformasynda jol júrý qujattary satylatyn «QTJ bıletteri» mobıldi qosymshasyn iske qosady, dep habarlaıdy QazAqparat kompanııanyń baspasóz qyzmetine silteme jasap.

«Osy qosymsha fýnktsıonaly «bilet.railways.kz» saıtymen birdeı jáne «Kútý paraǵy» qyzmeti saqtalady. Qosymshany Play Market-te myna silteme arqyly júktep alýǵa bolady (QTJ bıletteri).

Qosymsha testilik rejimde jumys isteıdi, ınterfeıs jáne fýnktsıonalǵa qatysty usynysty [e-mail] poshtada joldaý kerek», delingen habarlamada.

Ulttyq tasymaldaýshy jol júrý qujattaryn (bıletterdi) ınternet-resýrsta resimdeýge bolatynyn eske salady. bilet.railways.kz nemese bılet kassasy, bógde ınternet-saıttar, ózine-ózi qyzmet kórsetý avtomattary («QIWI» jáne «Kassa-24» saýda markalarymen) arqyly nemese poshta bólimsheleriniń qyzmetterin paıdalanýǵa, oryn bolmaǵan jaǵdaıda, poıyz jóneltilgenge deıin 7 táýlik buryn «Kútý paraǵy» qyzmetin tegin paıdalanýǵa bolady.

«Azamatardy bılet satyp alǵanda bógde adamnyń kúmándi qyzmetin paıdalanbaýǵa, al bıletterdi zańsyz satý faktisi anyqtalǵan kezde belsendi azamattyq ustanym tanytyp, qyzmetkerleri turaqty negizde vokzal keshenderinde ornalasqan QR ІІM kóliktegi polıtsııa departamentiniń Jelilik polıtsııa bólimderine júginýge shaqyramyz», delingen habarlamada.

Kompanııa qyzmetkerleriniń zańsyz áreketteriniń kýási bolǵan jaǵdaıda «Jolaýshylar tasymaly» AQ Bas dırektorynyń blogyna beınematerıaldy qosa otyryp, aqparat jiberýdi suraımyz.