«Jolaýshylar tasymaly» aktsıonerlik qoǵamy jeke agenttikterdiń 16 bılet kassasyn japty
ASTANA. Qazannyń 13-i. QazAqparat - «Jolaýshylar tasymaly» aktsıonerlik qoǵamy jolaýshylarǵa jaıly jáne sapaly qyzmet kórsetý sharalary aıasynda bılet satý kassalaryna baqylaýdy kúsheıtti.
Osyǵan oraı 2010 jyldyń qazan aıynda Almaty men Shymkent vokzaldarynyń mańynda ornalasqan jeke agenttikterdiń temir jol bıletterin satatyn kassalarynda tekserý jumystaryn júrgizdi.
Tekserý barysynda jolaýshylar quqyqtarynyń buzylý faktileri anyqtaldy, bılet satatyn jeke oryndar kassalardyń jumysyn retteıtin erejeniń reglamentinde kórsetilgen talaptaryna saı kelmeıtini anyqtaldy. «Jolaýshylar tasymaly» AQ júrgizgen tekserý jumystarynyń qorytyndysy boıynsha vokzal alańynda ornalasqan 16 jeke kassalaryn jabý týraly sheshim qabyldady, onyń bireýi - Almatyda, 15-i - Shymkentte ornalasqan kassalar.
«Jolaýshylar tasymaly» aktsıonerlik qoǵamy bılet satatyn oryndardaǵy mundaı tekserý jumystaryn Qazaqstannyń barlyq aımaǵy boıynsha jalǵastyrýdy kózdep otyr.
