«Jolaýshylar tasymaly» AQ jazǵy maýsymǵa «Astana-Adler» halyqaralyq jolaýshylar poıyzyn shyǵardy

ASTANA. 17 maýsym. QazAqparat - Jazǵy demalys maýsymynda jolaýshylar tasymalyna suranystyń artýyna baılanysty «Jolaýshylar tasymaly» Aktsıonerlik qoǵamy 2013 jylǵy 2 shilde men 7 qyrkúıek aralyǵynda №483/484 «Astana-Adler» halyqaralyq jolaýshylar poıyzyn shyǵarýdy josparlap otyr.

Quram 10 kýpeden jáne 7 platskartty vagonnan quralady, onyń ishinde aýysymsyz «Qostanaı-Adler», «Pavlodar-Adler» jáne «Qaraǵandy-Adler» vagondary da bar. Poıyz aptasyna 2 ret - seısenbi jáne senbi kúnderi qatynaıdy. Quram Tobyl, Orynbor, Samara, Krasnodar, Sochı stansylary arqyly ótedi.

Aıta keter jáıt, jazǵy maýsymda qosymsha poıyzdardy jiberý - «Jolaýshylar tasymaly» AQ temirjol qyzmetterin kórsetýdiń sapasyn arttyrý aıasynda atqaryp jatqan mańyzdy baǵyttardyń biri.