«Jolaýshylar tasymaly» AQ jańa jylǵa qarsańynda Astana men Almaty arasynda qosymsha poıyz júrgizetin boldy
ASTANA. 23 jeltoqsan. QazAqparat - 2010 jyldyń 24 jeltoqsany men 2011 jyldyń 4 qańtary aralyǵynda Jańa jyl merekesiniń aldynda jáne meıram kúnderi tasymaldaý boıynsha halyq qajettiligin qanaǵattandyrý maqsatymen «Jolaýshylar tasymaly» AQ Almaty men Astana arasynda Almaty-2-Astana baǵyty boıynsha №35/36 qosymsha poıyzdy júrgizetin boldy, dep habarlaıdy «Jolaýshylar tasymaly» AQ baspasóz qyzmeti.
Bul poıyz tómendegi keste boıynsha júredi:
-2010 jyldyń 24, 26, 28 jeltoqsan kúnderi jáne 2011 jyldyń 2 qańtar kúni 20 saǵat 54 mınýtta Almaty-2 vokzalynan attanady. Astanaǵa saǵat 18.44-te jetedi.
-2010 jyldyń 25, 27, 29 jeltoqsan kúnderi jáne 2011 jyldyń 3 qańtar kúni Astana vokzalynan 22 saǵat 05 mınýtta qozǵalady. Almaty-2 vokzalyna 21 saǵat 38 mınýtta toqtaıdy.
Almaty-2-Astana baǵytyndaǵy №35/36 poıyzy 11 vagonnan turady, onyń ishinde jeti vagon kýpe, bireýi SV-vagon jáne úsh platskart.
Bul poıyzdy iske qosý arqyly mereke aldynda jáne mereke kúnderi qosymsha 3000-nan astam adamdy tasymaldaýǵa múmkindik týady.
Sonymen qatar qajettilik týyndasa halyq talap etken baǵyttar boıynsha jolaýshylar poıyzdaryna qosymsha vagondar jalǵanbaq.
