«Jolaýshylar tasymaly» AQ «Tulpar-Talgo» poıyzdarynyń «Grand» jáne «Bıznes» vagondaryndaǵy tarıfterge jeńildikter engizýde

ASTANA. 30 qyrkúıek. QazAqparat - «Jolaýshylar tasymaly» AQ jedel júretin jolaýshylar poıyzdarynda kórsetiletin qyzmet túrlerin jaqsartý jáne oǵan qol jetimdilikti qamtamasyz etý baǵytynda maqsatty jumystar júrgizýde. Bul týraly «Jolaýshylar tasymaly» AQ baspasóz qyzmetinen habarlaıdy.

2013 jyldyń 1 qazanynan bastap «Jolaýshylar tasymaly» AQ 2014-2015 jyldarǵa arnalǵan jolaýshylar poıyzdarynyń qozǵalys kestesin engizýdi bastaǵanǵa deıin «Grand» (SV) jáne «Bıznes» (kýpe) toby vagondarynda jeńildikter engizýde: №19/20 «Atyraý-Astana», №63/64 «Astana-Semeı», №77/78 «Almaty-Atyraý», №87/88 «Aqtóbe-Astana» poıyzdaryndaǵy demalys kúnderdegi jol aqysy (mereke qarsańyndaǵy jáne mereke kúnderinen basqa ýaqytta) jumys kúnderindegi tarıf deńgeıimen birdeı bolady.

«Grand» (SV) deńgeıindegi «Tulpar-Talgo» vagonynda qosymsha sanıtarlyq jelimen jáne jeke dýsh kabınasymen jabdyqtalǵan 5 eki oryndyq kýpe bar. «Bıznes» (jeke sanıtarlyq jelileri joq eki oryndy) deńgeıindegi vagondarda, sondaı-aq, «Grand» vagondardaǵydaı jolaýshylarǵa qolaıly bolý úshin kreslolardyń shyntaqshalaryna qaıyrmaly ústelsheler ornatylady. Ár kýpe poıyz jolserigimen baılanysýǵa arnalǵan telefonmen jabdyqtalǵan.