«Jolaýshylar tasymaly» AQ «Temir jol bıletin ınternet arqyly satyp al - jetkizýi tegin» jańajyldyq aktsııasyn júrgizýde
ASTANA. 25 jeltoqsan. QazAqparat - «Jolaýshylar tasymaly» aktsıonerlik qoǵamy 2010 jylǵy 25 -31 jeltoqsannyń aralyǵynda jańajyldyq aktsııasyn ótkizýde - Temir jol bıletterin ınternet arqyly rásimdegen klıentterge bılet tegin jetkiziledi, dep habarlady kompanııanyń baspasóz qyzmetinen.
Bıletterdi www.railways.kz , www.temirzholy.kz , www.pcentre.kz saıttary arqyly satyp alýǵa bolady, al jetkizý qyzmetiniń telefondary: Astanada - (7172) 94-22-12; 94-31-46 Almatyda - (727) 296-11-36.
Eske sala keteıik, «Jolaýshylar tasymaly» AQ 2010 jyldyń 20 shildesinen bastap aqyly qyzmet túrin, ıaǵnı ınternet arqyly rásimdelgen temir jol bıletterin klıentterge jetkizip berý qyzmetin engizdi. Temir jol bıletterin úıge, ofısterge jáne qonaq úılerge qala ishinde jetkizip berý qyzmetin kýrer júzege asyrady. Jańa qyzmet jumys kúnderi ǵana kórsetiledi.
Bıletterdi ınternet arqyly rásimdeý táýlik boıy, al olardy jetkizý dúısenbiden jumaǵa deıin saǵat 11.00-den 19.00-ge deıin júzege asyrylady. Tapsyrys kún saıyn saǵat 9.00-den 21.00-ge deıin poezd jóneltilgenge deıin bir táýlik buryn qabyldanady, al bılet poezd jóneltilgenge deıin 6 saǵattan aspaıtyn ýaqytta jetkiziledi.
Kýrer bıletti talap etilgen jerge jetkizgen kezde jolaýshyǵa bıletti kvıtantsııada kórsetilgen somaǵa qolma-qol tólem júrgizilip, qol qoıylǵannan keıin beredi.
