«Jolaýshylar tasymaly» AQ 5,5 mln.-nan astam jolaýshyny jóneltip, 120 myńnan astam elektrondy bılet satty

ASTANA. 16 mamyr. QazAqparat - Aǵymdaǵy jyldyń basynan «Jolaýshylar tasymaly» AQ 5,5 mıllıonnan astam jolaýshy tasymaldady, dep habarlaıdy «QTJ» UK» AQ baspasóz qyzmeti.

Bul ótken jyldyń 4 aıyndaǵy derektermen salystyrǵanda 14,3 paıyzǵa joǵary. 2011 jyldyń dál osy kezeńinde jóneltilgen jolaýshylardyń jalpy sany 4,8 mıllıonnan astam jolaýshyny quraǵan.

Sondaı-aq elektrondy bıletterdiń qarqyndy ósý úrdisi baıqalyp otyr. Sonymen osy jyldyń 4 aıy ishinde satylǵan elektrondy bılet sany 120 029 danany quraıdy. Byltyrǵy jyldyń dál osy kezeńinde 20 131 elektrondy bılet satylǵan.