«Jolaýshylar tasymaly» AQ 1 myń 200 jańa vagon satyp almaqshy
NUR-SULTAN. QazAqparat - «Jolaýshylar tasymaly» AQ-nyń ókilderi aldaǵy 10 jylda 1 myń 200 jańa vagon satyp alýdy josparlap otyr. Bul týraly aktsonerlik qoǵamnyń baspasóz qyzmeti málim etti, dep habarlaıdy QazAqparat.
Baspasóz málimetterine qaraǵanda, «Jolaýshylar tasymaly» AQ ózine qarasty vagon parkinde jazǵy maýsymǵa daıyndyq jumystaryn aıaqtap, aldaǵy úsh aıda 6 mıllıonǵa jýyq jolaýshy tasymaldamaqshy.
«Jazǵy daıyndyq barysynda barsha vagondardyń syrtqy kelbeti men ishki sanıtarlyq jaǵdaıy tolyqtaı tekseristen ótti. Atap aıtqanda, vagonnyń syrtyn jýý, jyljymaly mehnızmderdi maılaý, tambýrlardy syrlaý, tıtan, aýa jylytý jáne jeldetý júıelerin tazartý, fıltr aýystyrý, gıgıenalyq bólmelerdegi qurylǵylardy aýystyrý, edenderdi retke keltirý, akkýmýlıatorlardyń tyǵyzdyǵyn tekserý sııaqty sharalar júzege asty. Al kondıtsıonerler joq vagondarda terezelerdiń ońaı ashyp-jabylýy tekserildi»,-delingen habarlamada.
Qazirgi tańda Kompanııada qala mańy tasymalymen qosa eseptegende 115 baǵyt bar. Onyń 105-si áleýmettik mańyzdy baǵyt bolsa, qalǵan 10-y kommertsııalyq baǵyttar. Jolaýshy tasymaldaıtyn 2229 vagon bar. Onyń 670-si Tulpar Talgo, 1443-i standartty vagondar, 116 - elektro-dızel. Standartty 917 vagonda, barlyq Tulpar-Talgo jáne 51 elektro-dızel vagondarynda aýany salqyndatý júıesi (ASJ) - kondıtsıonerler bar.
Aldaǵy 10 jylda Kompanııa óziniń vagon parkin jańartyp, 1200 vagon satyp alýdy joparlap otyr.
«Jolaýshylar tasymaly» AQ-y árqashan óz jolaýshylaryna jolda kórsetiletin qyzmetin jiti qadaǵalap, tekserip otyrady. Kórsetiletin qyzmettiń joǵary deńgeıde bolý úshin, ıaǵnı jolaýshylarǵa sapar barysynda barsha qolaıly jaǵdaı jasaýǵa tyrysady.
«Eger Siz jolda jaǵymsyz ıis, las vagon, dáliz, ájethana bólmesindegi sýdyń tapshlyǵy, jyrtyq tósek-oryn sııaqty kóńilińizden shyqpaıtyn faktilerge tap bolsańyz mindetti túrde jolserikke nemese poıyz basshysyna shaǵymdanyńyz. Ne bolmasa kórinisti fotoǵa túsirip, 1433 biryńǵaı qyzmet ortalyǵyna nemese Kompanııanyń resmı saıtyndaǵy Bas dırektordyń blogyna ) jazyp jiberýińizdi suraımyz. Sonymen qatar áleýmettik jelilerdegi (Facebook, Vkonakte) bizdiń paraqshalarymyzǵa ótinim qaldyryńyzdar!»,-delingen habarlamada.
Ulttyq tasymaldaýshynyń Facebook jáne VK jelileri.
Jolaýshylary ózderi basshylyqqa joldaıtyn habarlamalarynda poıyz ben vagon nómirin, baǵytyn jáne óz ornyn kórsetkeni abzal. Barlyq túsken shaǵymdar eskerilip, shara qoldanylady.
