Jolaýshylar tasymaldaıtyn kemelerge qatań baqylaý júrgiziledi - KKM
ASTANA. 13 shilde. QazAqparat. Volga ózeniniń Tatarstan Respýblıkasy aýmaǵynda oryn alǵan 120-dan astam adamnyń ómirin qıǵan qaıǵyly jaǵdaıǵa baılanysty Qazaqstan Respýblıkasy Kólik jáne kommýnıkatsııa mınıstrliginiń Kóliktik baqylaý komıteti jospardan tys eki aptanyń ishinde Qazaqstan Respýblıkasynyń barlyq aýmaǵynda jolaýshy tasymalyn atqaratyn kemelerdi paıdalaný qaýipsizdigin qamtamasyz etýge baǵyttalǵan reıdtik tekserý jumystaryn júrgizedi,
dep habarlaıdy Kólik jáne kommýnıkatsııa mınıstrliginiń baspasóz qyzmeti.
Atalǵan is-sharanyń maqsaty jolaýshylardy tasymaldaıtyn kemelerdiń sýdaǵy kólik oqıǵasynyń aldyn alý.
Keme qatynasynyń qaýipsizdigi keme ıeleriniń, keme ekıpajdarynyń, jaǵalaý ınfraqurylymyndaǵy obekt ıeleriniń, respýblıkalyq sý joldary mekemelerimen jáne memlekettik organdarynyń is-sharalar keshenin qamtamasyz etý barysynda júzege asyrylady.
Jolaýshy kemelerine ınspektorlyq tekserýler júrgizý kezinde kemeniń tehnıkalyq jaǵdaıyna, kemelerdegi qutqarý quraldary jáne órtke qarsy qural-jabdyqtardyń bolýyna, komandalyq quram men keme ekıpajynyń tıisti biliktiligi jáne keme qujattarynyń bolýyna basty nazar aýdarylady.
Keme qatynasynyń qaýipsizdigi keme ıeleriniń, keme ekıpajdarynyń, jaǵalaý ınfraqurylymyndaǵy obekt ıeleriniń, respýblıkalyq sý joldary mekemelerimen jáne memlekettik organdardyń is-sharalar keshenin qamtamasyz etý barysynda júzege asyrylady.
Sońǵy jyldary respýblıkamyzda kemele qatynasynyń barynsha ósý úrdisi saqtalyp otyr. Osyǵan baılanysty sýdaǵy kólik oqıǵalarynyń artý qaýpi bar.
Aǵymdaǵy jyldyń І jartysynda Kóliktik baqylaý komıtetiniń ınspektorlyq qyzmeti nátıjesinde 200-den astam ákimshilik zań buzýshylyq áreketi anyqtaldy.
Sý kóligindegi zańnama talaptaryna sáıkes, Qazaqstan Respýblıkasy Kólik jáne kommýnıkatsııa mınıstrligi «Keme qatynasy tirkelimi» Memlekettik mekemesiniń jyl saıynǵy kýálandyrýynsyz ózen kemeleri júzýge jiberilmeıdi. Sonymen qatar, 2011 jylǵy flottaǵy apat jaǵdaıyna eskertý jónindegi is-sharalar josparyna sáıkes, Kóliktik baqylaý komıtetiniń aýmaqtyq organdary qyzmetkerleri ózen kemeleri men keme qatynasyndaǵy sý joldaryn, onda ornalasqan qurylystardy baqylap tekserý jumystaryn ótkizýde.
Qazirgi tańda respýblıka boıynsha 1200-ge jýyq teńiz jáne ózen kemeleri tirkeldi, onyń ishinde, jolaýshylar tasymalyn atqaratyn kemelerdiń sany 74, ıaǵnı 6,6%-yn quraıdy. Sonyń ishinde 48-i jaramdy, al 26-na tyıym salynǵan. Jolaýshylar kemeleriniń qyzmetke jaramdy ortasha merzimi 25 jyldan aspaýy kerek.
Reıdtik is-sharalar 1 maýsymda bastalǵan jyl saıynǵy respýblıkalyq «Skýter» aktsııasymen birge qatar ótkiziledi. Іs-sharanyń maqsaty - adamdar kóp jınalatyn oryndarda shaǵyn kólemdi kemelerdi paıdalaný qaýipsizdigin qamtamasyz etý.
