Jolaýshylar reısterine avıatsııalyq kerosın satylmaıdy - elorda áýejaıynyń ákimshiligi
«Nursultan Nazarbaev halyqaralyq áýejaıy» AQ jergilikti jáne sheteldik tasymaldaýshylarǵa aerodrom men jerústi qyzmetterin kórsetedi. Sonymen qatar, áýe janar-jaǵar maıyn satady. Bul rette áýejaıdyń jolaýshylar reısterin kerosınmen qamtamasyz etý úlesi 3 paıyzǵa da jetpeıdi. Áýejaı júk jáne sanaýly charterlik reısterge ǵana avıatsııalyq kerosın satady. Negizgi áýe kompanııalary (Air Astana, Scat jáne basqalary) ózderiniń avıatsııalyq kerosınderin quıady», - dep atap ótedi elorda áýejaıynyń baspasóz qyzmetinen.
Taratylǵan aqparatqa sáıkes, áýe bıleti baǵasynyń qalyptasýy áýejaıdyń quziretine kirmeıdi. Bul aqparatty ushaqtaryna ózderiniń avıatsııalyq kerosınin quıatyn áýe kompanııalary ǵana bere alady. Áýejaı jolaýshylar reısterine avıatsııalyq kerosın satpaıtyndyqtan, satylǵan bıletterdiń qunyna áýejaıdyń basqa reısterge satqan kerosın baǵasy esh áser etpeıdi.
Buǵan deıin Básekelestikti qorǵaý jáne damytý agenttiginiń Nur-Sultan qalasy boıynsha departamenti astana áýejaıy janarmaı satatyn kezde ártúrli baǵa belgilep, básekelestik zańnamasyn buzǵanyn habarlaǵan edi.
