Jolaýshylar poıyzynyń 11 vagony relsten shyǵyp ketti
ASTANA. QazAqparat - Úndistannyń Ýttar-Pradesh shtatynda jolaýshylar poıyzy relsten shyǵyp ketip, 3 adam ajal qushty, taǵy 13 adam jaraqattandy.
Bul jaıly jergilikti polıtsııa málimdedi, dep habarlaıdy Anadoly agenttigi .
Polıtsııa ókilderiniń aıtýynsha, Patna qalasyna bara jatqan poıyzdyń 17 vagonynyń 11-i Manıkpýr stansasyna jaqyn mańda relsten shyǵyp ketken.
Temirjol kompanııasynyń qyzmetkeri Anand Kýmardyń sózine qaraǵanda, aldyn ala málimetter boıynsha apatqa relstegi jaryqshaq sebep bolýy múmkin. Osy fakti boıynsha tergep-tekserý bastaldy.
