Jolaýshylar poıyzyndaǵy órt: QTJ komıssııasy tekserýdi bastady

ASTANA. QazAqparat – «Qazaqstan temir joly» ulttyq kompanııasy «Qyzylorda-Semeı» jolaýshylar poıyzy vagonyndaǵy órtke qatysty komıssııa quryp, tekserýdi bastady, dep habarlaıdy QazAqparat.

«2022 jylǵy 8 qazanda saǵat 2:35-te №22 «Qyzylorda-Semeı« jolaýshylar poıyzy vagonynda týyndaǵan órtke baılanysty poıyz Túlkibas-Taraz ýchaskesinde shuǵyl aıaldama jasady. Jolaýshylar arasynda qurban bolǵandar men zardap shekkender joq.

Vagonnyń bes kýpesin sharpyǵan ot órt sóndirý qyzmetteri men poıyz brıgadasy qyzmetkerleriniń birlesken jedel áreketterimen sóndirildi.

Vagonda bolǵan jolaýshylar poıyz quramynyń bos oryndaryna ornalastyryldy. Poıyz saǵat 6-dan 6 mınýt ótkende jolǵa shyqty.

Tekseris júrgizý úshin «QTJ« UK» AQ-da komıssııa quryldy», - delingen kompanııa málimetinde.

Eske salaıyq, búgin túnde Jambyl oblysyndaǵy «Býrnyı - Surym» ótkelinde «Qyzylorda – Semeı» baǵytyndaǵy jolaýshylar poıyzynan órt shyqqanyn habarlaǵan bolatynbyz.