Jolaýshylar poıyzy júk poıyzymen soqtyǵysty, 11 adam jaralandy
ASTANA. QazAqparat - Juma kúni keshke Germanııada júk poıyzy Eurocity júrdek jolaýshylar poıyzymen soqtyǵysqan. Saldarynan ishinde 110-nan astam jolaýshy bolǵan eki vagon aýdarylyp qalǵan.
Bir adamnyń hali aýyr, taǵy 11 adam jeńil-jelpi jaraqat alǵan. Qurban bolǵandar joq, dep habarlaıdy jergilikti órt kúzetiniń ókili. Kóptegen jolaýshylar qatty úreılenip qalǵan, olarmen psıholog mamandar jumystar júrgizýde. Apat jergilikti ýaqyt boıynsha shamamen keshki saǵat 21-00-de Mangeıma qalasyndaǵy temirjol vokzaly ǵımaratynan 200 metr jerde oryn alǵan. Qazir vokzaldyń jumysy toqtatyldy, dep habarlaıdy Rosbalt.
