Jolaýshylar poıyzdaryna paıdalanylmaǵan bıletterdi qalaı qaıtaryp alýǵa bolady

NUR-SULTAN. QazAqparat - Buryn satyp alynǵan temirjol bıletterin tapsyrýǵa sheshim qabyldaǵan jolaýshylar olardy qaıtarý kezinde keıbir ózgeshilikterdi eskerýi tıis, dep habarlaıdy QazAqparat «QTJ» UK» AQ baspasóz qyzmetine silteme jasap.

Tótenshe jaǵdaı kezinde júretin jolaýshylar poıyzdaryna paıdalanylmaǵan jol júrý qujattary (bıletteri) úshin aqshany tikeleı «Jolaýshylar tasymaly» AQ bılet kassalarynan jáne ınternet resýrstar arqyly alýǵa bolady.

Paıdalanylmaǵan jol júrý qujattaryn (bıletterdi) poıyz jóneltilgennen keıin 6 aı ishinde, biraq odan keshiktirmeı qaıtarýǵa bolady.

Bul rette, «Jolaýshylar tasymaly» AQ bılet kassalarynda jolaýshylar jol júrý qunynyń ustalýsyz tolyq tólemin alady.

Internet-resýrstary arqyly qaıtarý kezinde, tolyq emes qundy alǵan jaǵdaıda, aradaǵy aıyrmany alý úshin jolaýshy «Jolaýshylar tasymaly» AQ bılet kassalaryna júginýi qajet. Bul jaǵdaıda jolaýshylarǵa jol júrý qunynyń aıyrmasyn tóleý ótinishi boıynsha talap qoıý tártibimen júrgiziledi.

Ótinish úlgisin www.bilet.railways.kz saıtyndaǵy «Jolaýshylarǵa» bólimi qaǵıdalarynyń 8.10-tarmaǵynyń siltemesi boıynsha ótip alýǵa bolady.