Jolaýshylar poıyzdary ýaqytsha «Nurly jol» vokzalyna aýystyrylady

ASTANA. QazAqparat – Astananyń «Nur-Sultan 1» stantsııasynda jóndeý jumystarynyń júrgizilýine baılanysty qala mańyna qatynaıtyn 5 elektr poıyz ýaqytsha «Nurly jol» stantsııasyna toqtaıtyn bolady, dep habarlaıdy QazAqparat.

«Qazaqstan temir joly» UK» AQ baspasóz qyzmetinen málim etkendeı, poıyzdar 14 tamyzdan bastap 10 qyrkúıekke deıin «Nurly jol» vokzalyna aýystyrylady.

Kelýi jáne jóneltilýi «Nurly jol» vokzalyna aýystyrylǵan poıyzdar:

- «Nur-Sultan Nurly jol – Atbasar» baǵytyndaǵy №6803 elektr poıyzy, jóneltý ýaqyty saǵat 07:30-da;

- «Nur-Sultan – Kókshetaý» baǵytyndaǵy №6829 elektr poıyzy, jóneltý ýaqyty saǵat 08:08-de;

– «Ereımentaý – Nur-Sultan» baǵytyndaǵy №6831 elektr poıyzy, kelý ýaqyty saǵat 07:18-de;

- «Qaraǵandy – Býrabaı kýrorty» baǵytyndaǵy №7553 elektr poıyzy, kelý ýaqyty 08:56 jáne ketý ýaqyty 09:20;

– «Býrabaı-Qaraǵandy kýrorty» baǵytyndaǵy №7556 elektr poıyzy, saǵat 19:20-da kelip, saǵat 20:00-de jóneltiledi.

«Sondaı-aq «Ereımentaý – Nur-Sultan Nurly jol» baǵytyndaǵy №6831 elektr poıyzynyń Qyrqynshy stantsııasynda turaqqa turýy ýaqytsha toqtatylǵany habarlandy.

Qalǵan jolaýshylar poıyzdary ádettegideı júretinin atap ótemiz.

Jolaýshylar poıyzdarynyń qozǵalys kestesi boıynsha anyqtamalyq aqparatty «1433» tegin nómiri jáne «KTZH_PP_BOT» Telegarmm boty arqyly alýǵa bolady.

Kompanııa jolaýshylardan keltirilgen qolaısyzdyqtar úshin keshirim suraıdy», - delingen QTJ habarlamasynda.