Jolaýshylar laıneriniń ushqyshtary reıs kezinde uıyqtap qalǵan
ASTANA. QazAqparat - Jolaýshylar ushaǵynyń ushqyshtary reıs kezinde uıyqtap qalǵan. Bul týraly grek BAQ-tary habarlap otyr. Oqıǵa EgyptAir áýe kompanııasy ushaǵy joǵalǵannan keıin 15 saǵat ótken soń oryn aldy.
Frantsııadan Kýveıtke baǵyt alǵan Boeing 737 jolaýshylar ushaǵynyń ekıpajy Italııa jáne Grekııa dıspetcherleriniń belgilerine jaýap bermeı qoıdy.
Áeý kemesiniń bortynda lańkestik áreket bolýy múmkin degen kúdikpen dabyl boıynsha Krıt aralyndaǵy bazadan F-16 eki joıǵyshy kóterilgen.
Reıs jolaýshylary olardyń qasynda eki joıǵysh ushaq ushyp kele jatqanyn kórgennen soń, jolserikter ushqyshtardyń kabınasyna bardy.
Kabınada eki ushqyshtyń uıyqtap qalǵany, al laıner avtoushqyshpen ushyp kele jatqany belgili boldy. Bul kezde áýe kemesiniń bortynda 140 jolaýshy bolǵan, dep jazady life.ru.
