Jolaýshylar aınalymynyń kólemi 11,5 paıyzǵa artty
ASTANA. 11 shilde. QazAqparat - 2013 jylǵy qańtar-maýsymda júk aınalymynyń kólemi 224,2 mlrd. tkm-ny (kommertsııalyq júk tasymaldaýmen aınalysatyn jeke kásipkerlerdiń júk aınalymy kóleminiń baǵalaýy esebimen) qurap, 2012 jylǵy sáıkes kezeńmen salystyrǵanda 0,9 paıyzǵa artty. Jolaýshylar aınalymynyń kólemi 110,1 mlrd. jkm-ǵa jetip, 11,5 paıyzǵa artty. Bul týraly búgin Astanada ótken brıfıngte QR Statıstıka agenttiginiń tóraǵasy Álıhan Smaıylov málim etti.
Atap aıtqanda bıylǵy qańtar-maýsymda «Kólik» salasy boıynsha naqty kólem ındeksi 107,1 paıyzdy qurady.
- Sonymen qatar atalǵan merzimde «Baılanys» salasy boıynsha naqty kólem ındeksi 114,6 paıyzǵa jetti.
