Jolaýshylar avtobýsy jaıaý júrginshilerge arnalǵan jolda úsh oqýshy qyzdy basyp, denelerin birneshe metr jerge súırep ketken
ASTANA. QazAqparat - Krasnodarda iri jol-kólik oqıǵasy oryn alǵan. Baǵdarlyq avtobýstyń dóńgeleginiń astynda birden úsh oqýshy qyz qalyp qoıdy.
Qyz balalar baǵdarshamnyń ruqsat beretin belgisin kútip, kósheniń basqa betine ótip bara jatqanda baǵdarlyq avtobýs basyp ketti. Onyń júrgizýshisi baǵdarshamnyń qyzyl jaryǵyn baıqamaı, tejegishte basyp úlgermegen.
Avtobýstyń astyndaǵy jer qanǵa toldy. Tejegishi kesh basylǵan avtobýs qyz balalardyń denelerin áli birneshe sekýnd súıregen. Abyroı bolǵanda, jasóspirimder tiri qaldy. Aýyr jaraqattar alǵan qyz balalar jergilikti aýrýhanaǵa jetkizildi.
