Jolaýshylar avtobýsy aıaldamada órtenip ketti
ASTANA. QazAqparat - Belgorodta aıaldamada turǵan jolaýshylar avtobýsy órtenip ketti. Reseı TJM Belgorod oblysy boıynsha MB baspasóz qyzmetiniń málimdeýinshe, kóliktiń órtengeni jaıly kezekshi-dıspecherlik qyzmetine 18:08-de habarlanǵan.
«Belgorod - Dýbovoe» (MAZ markaly) baǵdaryndaǵy avtobýs «Energomash» aıaldamasynda jolaýshylardy mingizip jatqan. Tútin ısin sezgen júrgizýshi der kezinde adamdardy shyǵaryp úlgeredi. Artynsha kólik órtenip ketti. Qurban bolǵandar men zardap shekkender joq. TJM habarlaǵandaı, avtobýstyń túgi qalmaı janyp ketken. Tilsiz jaýdy aýyzdyqtaý úshin 12 órt sóndirýshi men 4 tehnıka tartyldy.
