Jolaýshy vagondary talapqa saı emes tasymaldaýshylarǵa iri kólemde aıyppul salyndy
Aqpan aıynyń basynda QR IDM Kólik komıtetiniń ókilderi Qaraǵandy-Astana ýchaskesinde tasymaldaýshy «Maral-Nur» JShS-nyń №307/308 Astana-Jezqazǵan jáne №617/618 Jezqazǵan-Qyzylorda jolaýshylar poıyzdarynyń ulttyq standarttarǵa sáıkestigine jáne kelisimshart talaptarynyń oryndalýyna qatysty teksergen.
«Astana-Jezqazǵan jáne Jezqazǵan-Qyzylorda poıyzdaryn tekserý kezinde ulttyq standart talaptary oryndalmaǵan 15 jáne 5 fakti anyqtalǵan. Atap aıtqanda vagon syrtynyń talapqa saı bolmaýy, terezelerdiń sańylaýy, qyzmet kórsetýge qatysty eskertý jáne taǵy basqa da máseleler anyqtalǵan. Elektrondy bılet satý saıtynda «Anar» stansasy joq. Bul jolaýshylardy otyrǵyzý men túsirýde talapuqa qaıshy», - delingen habarlamada.
Tekserý nátıjesi boıynsha kompanııaǵa 1,5 mln teńge aıyppul salynady. Tekserý aktileri tasymaldaýshylarǵa zań buzýshylyqtardy joıý úshin jiberiledi.
Aıta keterligi, kelisim talaptaryn oryndaý aıasynda kompanııa 2017 jyly 5 jańa jolaýshylar vagonyn satyp alǵan. Olardyń 4-ýi qazir Astana-Jezqazǵan jáne 1-i Jezqazǵan - Qyzylorda baǵytynda júredi.
Kólik komıteti qazirgi ýaqytta basqa da tasymaldaýshylardyń vagondaryn tekserip jatyr.
