Jolaýshy ushaq qozǵaltqyshynan shyqqan otty vıdeoǵa túsirip aldy

ASTANA. QazAqparat - Talakannan Irkýtskke ushyp bara jatqan An-148 ushaǵynyń jolaýshysy oń jaqtaǵy qozǵaltqyshtan shyqqan alaýdy vıdeoǵa túsirip alǵan, dep habarlaıdy QazAqparat.

30 qyrkúıek kúni bolǵan oqıǵanyń kadrlaryn YouTube-tan kórýge bolady.
Ushaq ushyp shyqqan áýejaıǵa sátti qonǵan, dep habarlaıdy jergilikti «Baıkal 24» aqparat agenttigi.

Vıdeonyń sıpattamasynda qozǵaltqyshta órt bolǵany aıtylady. Sondaı-aq, jeli qoldanýshylar bul jaǵdaıdyń pompajben baılanysty bolǵany týraly pikir qaldyrǵan.

Jolaýshylar rezervtik bortpen Irkýtskke jetken.

Arnaıy komıssııa bolǵan jaǵdaıdyń mán-jaıyn tekserip jatyr.