Jolaýshy ushaq bortynda kóz jumdy
VORONEJ.TASS-QazAqparat – Sochı – Máskeý reısi baǵdaryndaǵy Utair áýe kompanııasynyń ushaǵy bortyndaǵy jolaýshynyń qaıtys bolýyna baılanysty Voronej áýejaıyna qonýǵa májbúr boldy. Bul týraly TASS agenttigine áýejaıdyń baspasóz hatshysy Natalıa Shermına habarlaǵan.
«Sochı-Máskeý baǵdaryndaǵy ushaq Voronej áýejaıyna qondy. Bortta jolaýshy kóz jumǵan. Qazir tergeýshiler jumys istep jatyr. Ushaqqa eshkimdi kirgizbeýde»,- dep málim etti Shermına.
Onyń dereginshe, bortta 178 jolaýshy bolǵan. Olar áýejaıǵa ornalastyryldy.
Áýejaı ókiliniń sózine qaraǵanda, ushaq máskeý ýaqytymen15:34-te qonǵan. Kóz jumǵan jolaýshy - 60 jastaǵy er adam.
