Jolaýshy toly jartasqa soǵylǵan keme qaırańnan shyǵaryldy

Ol Aland araldarynyń Marıenhamn portyna ketti.

Kompanııanyń baspasóz hatshysy Iohan Boıer-Svanstrem "kemeniń jóndeýge jiberiletinin" aıtqan.

Týrký qalasynan Stokgolmge bara jatqan keme Baltyq teńizindegi Aland araldarynyń mańynda 14 jeltoqsan kúni qaırańǵa turyp qalǵan edi. Eki myńǵa jýyq jolaýshynyń eshqaısysy zardap shekpegen, olar qazir qaýipsiz jerge shyǵarylǵan.

Viking Line kompanııasynyń habarlaýynsha, "Amorella" elektr júıesinen aqaý shyqqannan keıin jartasqa soǵylǵan. Biraq teńiz sýy kemege kirmegen".

Shvetsııa men Fınlıandııa arasynda júzetin kemeler Aland araldarynyń Marıehamn aılaǵyna toqtaıdy. Avtonomııalyq araldar Eýropa Odaǵyna kirmeıdi. Sondyqtan bul araldarda keme dúkenderi salyqsyz saýda jasaıdy.

"Amorella" kemesi 1988 jyly jasalǵan. 2 myń 480 jolaýshy men 450 kólik alyp júze alady, dep habarlaıdy «Azattyq".