Jolaýshy mysyrlyq ushaqtyń kabınasyna kirýge áreket jasady
ASTANA. QazAqparat - Saýd Arabııasynan Mysyrǵa bet alǵan CairoAir avıajelisi ushaǵynyń jolaýshysy ushqyshtar kabınasyna kirýge árekettengen, dep habarlady reseılik RIA «Novostı» agenttigi Mysyrlyq Azamattyq avıatsııa mınıstrligine silteme jasap.
Vedomstvo derekterine sáıkes juma keshke bul habarlama ushaq mysyrlyq Borg al-Arab áýejaıyna bet alǵan kezde ekıpaj komandırinen kelip túsken.
Kabınaǵa basa kóktep kirmekshi bolǵan jolaýshyny ekıpaj músheleri toqtatty, áýejaıda qajetti qaýipsizdik sharalary qabyldandy.
Avıalaıner jerge sátti qonǵannan keıin jolaýshyny polıtsııa ustady. Quqyq qorǵaý organdary qazir bolǵan oqıǵanyń mán-jaıyn anyqtaýda.
Ushaq bortynda 150 jolaýshy bolǵany atap ótiledi.
