Jolaýshy áıel ushaq bortynda bosandy
ASTANA. 10 qazan. QazAqparat - Dúısenbi kúni Sımferopol - Máskeý baǵytyndaǵy ushaq ishinde jolaýshy áıel bosandy,
dep habarlaıdy «Aeroflottyń» baspasóz qyzmetinen. Sábı 10 myń metr bıiktikte dúnıege keldi.
Ushý kezinde júktiliktiń jetinshi aıynda bolǵan áıelde aıaq astynan tolǵaq bastaldy, sol kezde áýe kemesiniń komandıri Aleksandr Kýlakov Harkov áýejaıyna amalsyz qonýǵa sheshimin qabyldady. «Tómendeý kezinde maǵan balanyń dúnıege kelgenin habarlaǵanda, biz qabyldaǵan sheshimimizdiń durys bolǵanyn túsindik», - dedi Kýlakov.
Endi úsh balanyń anasy atanǵan 29 jastaǵy máskeýlik Anastasııa Kozlovany jolserik Marına Serebrıakova, sondaı-aq jolaýshylar arasynda bolǵan medbıke Sofıa Kovaleva bosandyrdy.
Jańadan týǵan náresteniń kindigin Harkovtan kelip jetken dárigerler kesti.
