SCAT áýe kompanııasyna aıyppul salyndy

ASTANA. KAZINFORM – Bul týraly Bas kólik prokýratýrasynyń baspasóz qymeti málim etti.

Baspasóz qyzmetiniń málimetterine qaraǵanda, bıylǵy 25 aqpanda «Óskemen– Astana» reısi ýaqytynan 8 saǵattan artyq keshikken. Soǵan qaramastan áýe kompanııasynyń ókilderi jolaýshylardy qonaqúıge ornalastyrýdy ýaqtyly qamtamasyz etpegen.

Tek keshki saǵat onǵa qaraı kezekshi prokýrordyń aralasýynan keıin ǵana jolaýshylarǵa demalýǵa oryn berilgen. Adamdar eshqandaı qyzmet kórsetilmesten kúni boıy áýejaıda óz reısin kútip otyrǵan.

-Shyǵys Qazaqstan kólik prokýratýrasy azamattardyń quqyqtarynyń buzylýyna den qoıdy. Tekserý qorytyndysymen avıakompanııa ákimshilik jaýapkershilikke tartyldy – QR ÁQBtK-niń 567-babynyń 2-bóligimen 1000 AEK mólsherinde aıyppul salyndy,-delingen Bas kólik prokýratýrasynyń habarlamasynda. 

Osyǵan deıin Almatyda áýejaıynda SCAT reısi 10 saǵattan astam keshikkeni týraly jazdyq.