Jolaýshylar vagony qashan tolyq jańarady

ASTANA. KAZINFORM – «Jolaýshylar tasymaly» AQ bas dırektory Jánibek Taıjanov elimizdegi jolaýshylar vagony qashan tolyq jańaratynyn aıtty.

Senattyń jalpy otyrysynan keıin BAQ ókilderi kompanııa basshysynan elimizde qansha eski jolaýshylar vagony bar ekenin suraǵan bolatyn.

«Bizdiń, ulttyq tasymaldaýshynyń parkinde mundaı shamamen 600 vagon bolsa, jeke tasymaldaýshylarda da eski vagondar bar. Olar 80-90 jyldary shyǵarylǵan, paıdalanylǵanyna 28 jyldan asyp ketti. Mundaı vagondarda aýa baptaý júıesi shyǵarýshy zaýyt tarapynan qarastyrylmaǵan, dárethanalary da standartty emes. Olardyń esepten shyǵarý merzimi bar. 2030 jyly barlyq eski vagon esepten shyǵarylady», - dedi ol.

Onyń aıtýynsha, qazirgi ýaqytta kompanııa eski vagondardy jańartý, jańa vagondar satyp alý jumystaryn júrgizip jatyr.

«Qazirdiń ózinde shamamen 150 vagon satyp alynyp, 157 vagonǵa kelisimshart jasaldy. 2025 jyly Shtadler jańa vagondary jetkiziledi dep kútip otyrmyz. 2030 jylǵa qaraı parktiń ortasha jasy shamamen 10-13 jyl bolady jáne olar jaqsy, jańa vagondar», - dedi Jánibek Taıjanov.

Eske salsaq, buǵan deıin «Jolaýshylar tasymaly» AQ bas dırektory Jánibek Taıjanov elimizdegi temir jol bıletine qatysty ahýalǵa pikir bildirgen bolatyn.