«Jolaýshylar tasymaly» AQ jıi túsetin shaǵymdar men ótinishterdi atady

ASTANA. KAZINFORM – «Jolaýshylar tasymaly» AQ el turǵyndarynan jıi túsetin shaǵymdar men ótinishterdi atady.

«2023 jyly «Jolaýshylar tasymaly» AQ atyna korporatıvtik poshta, «1433» ótinishterdi esepteýdiń biryńǵaı júıesi jáne «E-Otinish» azamattardyń barlyq ótinishin qabyldaý jáne óńdeý biryńǵaı platformasy arqyly 4 myńnan astam ótinish tústi. Onyń ishinde shamamen 2 myńy – shaǵym, 1 myńnan astam – aqparattyq ári naqtylaý sıpatyndaǵy suraqtar jáne 715-i – kórsetilgen qyzmet sapasyna alǵys», - dep atap ótedi kompanııadan agenttiktiń resmı saýalyna oraı.

Ótken jyldyń ishinde jolaýshylar poıyzdarynyń ýaqytynan keshigýine óte kóp shaǵym kelip túsken.

«Degenmen, naqtylaý sıpatyndaǵy kóptegen suraq kelip túsedi: otyrǵyzý talonyn alý, bılet qaıtarýdy rásimdeý tártibi, saıtta bıletterdi rásimdeý tártibi, kámeletke tolmaǵan jolaýshylardy tasymaldaý tártibi jáne taǵy basqalary. Alǵys sıpatyndaǵy ótinimder sanynyń basym ekendigin de atap ótken jón. Ótinishterdiń basym bóligi jedel, sonymen qatar kóptegen másele Investıtsııa jáne damý mınıstrliginiń 2015 jylǵy 30 sáýirdegi №545 buıryǵymen bekitilgen Jolaýshylardy, júkterdi, tasymaldaý, joljúkteri men poshta jóneltilimderi erejesi aıasynda sheshiledi. Ótinishterdiń bir bóligi qatysy bar qyzmetkerlerdiń aralasýymen tolyq jáne jan-jaqty tekserý júrgizýdi qajet etedi», - dep naqtylaıdy kompanııadan.