Jolaýshy poıyzda nemese vokzalda zatyn umytsa, ne isteý kerek

ASTANA. KAZINFORM – Jolaýshylar óz jeke zattaryn poıyzda nemese temirjol vokzalynda jıi umytyp ketedi. «Jolaýshylar tasymaly» AQ mundaı jaǵdaıda qalaı áreket etý kerektigin jáne joǵalǵan zattardy qaıdan alýǵa bolatynyn eske saldy.

Eger poıyz jónelgennen keıin vagonda zattaryńyzdy umytyp ketkenińizdi baıqasańyz, kelesi nusqaýlyqty oryndańyz:

1) Eger poıyz áli stantsııada tursa jáne jóneltýine deıin 10-40 mınýt ýaqyt qalsa, jolaýshy umyt qalǵan zatyn poıyz brıgadasynyń qyzmetkerlerinen ala alady.

2) Eger poıyz júrip ketken bolsa, jolaýshy resmı @jolaushylar_tasymaly Instagram-akkaýntyna nemese WhatsApp nómirine [phone] arqyly júginip, jedel jaýap ala alady.

3) Jolaýshy sondaı-aq, vokzal kezekshisine baryp, vagon nómirin, ornyn jáne umyt qalǵan zattardyń sıpattamasyn kórsetip, vokzal bastyǵynyń atyna ótinish qaldyra alady. Qajet bolǵan jaǵdaıda, zattardy ózine jiberý týraly ótinish jaza alady.

4) Eger jolserik umyt qalǵan zattardy tapsa, olar poıyz bastyǵyna berilip, qalyptastyrý pýnktine jóneltiledi.

Zattar vokzalda saqtalyp, ıesine jeke kýáligin teksergennen keıin beriledi.

Poıyzdarǵa ornatylǵan beınekameralar umytylǵan zattardyń sanyn 92%-ǵa deıin tómendetti.

«Jolaýshylar tasymaly» AQ jolaýshylarǵa jeke zattaryn muqııat baqylaýǵa jáne qajet bolǵan jaǵdaıda belgilengen nusqaýlyqqa sáıkes kómek suraýǵa keńes berdi.

Qajetti aqparatty tegin «1433» nómiri arqyly alýǵa bolady.

Aıta keteıik, poıyzdan qalyp qoıǵan jaǵdaıda bılet qunyn qalaı qaıtaryp alýǵa bolady.