Jolaman Bıǵabyl: Karateden Olımpıada shyńyn baǵyndyrǵym keledi
TOEHASI.KAZINFORM — Karateden ulttyq qurama sportshysy Jolaman Bıǵabyl Japonııadaǵy jazǵy Azııa oıyndaryndaǵy jeńisi jáne aldaǵy jospary týraly aıtty.
Qazaqstandyq sportshy jarystaǵy barlyq jekpe-jeginiń ońaı bolmaǵanyn, alaıda ol komandamen birge tabysty jumys atqaryp, jeńiske jetkenin tilge tıek etti.
- Komandanyń qoldaýyn aıqyn sezindim. Jalpy, barlyq jekpe-jek ońaıǵa soqqan joq. Bapkerlerdiń jospary jáne taktıkasyn tolyqtaı oryndap, jeńiske jettik. Aqtyq synda ózbekstandyq qarsylaspen aıqastym. Osyǵan deıin kezdespegenbiz. Ol jekpe-jek barysynda ara qashyqtyq saqtaýǵa tyrysty. Biraq men odan aılamdy asyrdym,- dedi ol.
Jolaman Bıǵazy alda taǵy ulken básekeler kútip turǵanyn aıtty.
- Bul tek bastamasy dep oılaımyn. Osymen toqtamaımyz. Alda jabyq Azııa oıyndary, kelesi jyly álem chempıonaty bar. Bolashaqta Olımpıada baǵdarlamasyna kirip jatsa, múmkin Olımpıada shyńyn baǵyndyramyz,- dedi sportshy.
Osyǵan deıin habarlaǵanymyzdaı, Jolaman Bıǵabyl karateden Azııa oıyndarynyń chempıony atandy.
Sonymen qatar, karateshi Sofıa Berýltseva Qazaqstan qorjynyna Azıadanyń tórtinshi altynyn saldy.
