Jolaman Bıǵabyl karateden Azııa oıyndarynyń chempıony atandy
ASTANA. KAZINFORM – Qazaqstan ulttyq quramasynyń ókili Jolaman Bıgabyl Japonııanyń Aıtı–Nagoıa qalalarynda ótip jatqan XX jazǵy Azııa oıyndarynda altyn medal jeńip aldy.
Karateden kýmıte baǵdarlamasy boıynsha 55 kelige deıingi salmaq dárejesiniń fınalynda qazaqstandyq sportshy Ózbekstan ókili H. Halımovpen kezdesti.
Sheshýshi jekpe-jekte Jolaman Bıgabyl qarsylasyn 9:1 esebimen senimdi jeńip, Azııa oıyndarynyń chempıony atandy. Bul – Qazaqstan quramasynyń jarystaǵy úshinshi altyn medali.
– Jolaman Bıgabyldyń jeńisi qazaqstandyq karateshilerdi júıeli daıarlaý men elimizdiń óńirlerinde osy sport túrin damytý baǵytyndaǵy jumystyń nátıjesin taǵy bir márte kórsetti, – delingen Sport komıtetiniń málimetinde.
Qazirgi ýaqytta WKF karate Qazaqstandaǵy buqaralyq sport túrleriniń biri sanalady. Bul sport elimizdiń 20 óńirinde damytylyp, onymen 77 myńnan astam adam turaqty túrde aınalysady. Onyń 25 myńǵa jýyǵy – áıelder.
Sportshylardy daıarlaý isine 600-ge jýyq jattyqtyrýshy tartylǵan. Onyń ishinde 140 maman aýyldyq jerlerde jumys isteıdi.
Sondaı-aq elimizde jyl saıyn Kazakhstan Open halyqaralyq týrnıri ótkiziledi. Bul jarys jasóspirimder men jastar (U21) arasyndaǵy Azııa jáne álem chempıonattaryna sportshylardy irikteýdiń ishki reıtıngtik týrnırleriniń biri sanalady.
Aıta keteıik, buǵan deıin Alekseı Lýtsenko bes dúrkin Azıada chempıony atandy.
