Jol júrý tarıfteri jaqyn arada kóterilmeıdi – Avtokólikshiler odaǵy
NUR-SULTAN. QazAqparat – Jol júrý tarıfteri jaqyn arada kóterilmeıdi. Bul týraly Qazaqstan avtokólikshiler odaǵynyń basshysy Sábıt Amanbaev aıtyp berdi, dep habarlaıdy QazAqparat.
«Shaǵyn sýbsıdııalar saldarynan avtoparkter qanshalyqty utylyp jatyr? Tarıfterdi kóteretin múmkindik joq pa?»- dep suraq qoıdy moderator.
«Jol júrý tarıfterin zań boıynsha jergilikti atqarýshy organ belgileıdi. Tasymaldaýshynyń ózi kótere almaıdy. Ózderińiz biletindeı, bul tarıfter halyqtyń áleýmettik osal toptary úshin qoljetimdi bolýy tıis. Jaqyn arada tarıfterdi kóterý týraly esh áńgime bolmaıdy», - dep túsindirdi Sábıt Amanbaev «Kazinform» alańynda «Qoǵamdyq kólikpen jolaýshylar tasymaldaýdaǵy básekelestik» atty jıynda.
Shaǵyn sýbsıdııa saldarynan avtoparkter shyǵyn týraly suraqqa odaq basshysy «Halyq qansha shyǵynǵa ushyrap jatyr?» dep jaýap berdi.
«Bizde sýbsıdııa bolmaǵandyqtan, qozǵalys qaýipsizdigi, aldyn alý jumystary joq. Sondyqtan biz jol ústindegi ólim-jitim boıynsha birinshi orynda turmyz, avtopark jańartylmaǵan. Nelikten júrý kesteleri buzylady? Bizde júrgizýshi jetispeıdi, óıtkeni biz olarǵa laıyqty jalaqy tólemeımiz. Sondyqtan sýbsıdııa máselesi kezdeısoq qoıylyp otyrǵan joq. Úkimettiń ókimimen bul másele sharalar kesheninde birinshi orynǵa qoıyldy. Sýbsıdııalaý qazirgi ýaqytta problemalardy sheshýdiń birden-bir joly», - deıdi Sábıt Amanbaev.
