Jol júrisi qaǵıdalaryn buzýdyń 20 myń faktisi drondardyń kómegimen anyqtaldy
ASTANA. KAZINFORM — Іshki ister mınıstrligi zamanaýı tehnologııalardy polıtsııanyń kúndelikti qyzmetine engizý arqyly zań ústemdigi men quqyqtyq tártipti qamtamasyz etip jatyr.
Osyndaı quraldardyń biri — ushqyshsyz avıatsııalyq júıeler. Búginde drondar polıtsııa qyzmetkerlerine joldaǵy jaǵdaıdy baqylaýǵa, quqyq buzýshylyqtardy anyqtaýǵa jáne aqparatty áýeden jedel alýǵa kómektesedi.
Zamanaýı ushqyshsyz ushý apparattary kameralarmen jabdyqtalǵan, avtomattandyrylǵan áreketterdi oryndaı alady jáne beınejazbany naqty ýaqyt rejıminde bere alady.
Bul tehnologııalar is júzinde óz nátıjesin kórsetip otyr. 2026 jyldyń segiz aıynda drondardyń kómegimen jol júrisi qaǵıdalaryn buzýdyń 20 myńnan astam faktisi anyqtaldy.
Onyń ishinde: qaýipsizdik beldigin paıdalaný talaptaryn buzýdyń 3 198 faktisi; kólik júrgizý kezinde uıaly telefon paıdalanýdyń 2 055 faktisi; qarsy qozǵalys jolaǵyna shyǵýdyń 1 678 faktisi; syrtqy jaryq quraldaryn paıdalaný qaǵıdalaryn buzýdyń 1 481 faktisi; manevr jasaý qaǵıdalaryn buzýdyń 1 207 faktisi; basyp ozý qaǵıdalaryn buzýdyń 771 faktisi; memlekettik tirkeý nómirlik belgilerinsiz kólik quralyn basqarýdyń 87 faktisi.
Taǵy 9 myńnan astam derek jol qozǵalysy erejeleriniń ózge de buzýshylyqtaryna qatysty. Ushqyshsyz tehnologııalar polıtsııanyń múmkindikterin keńeıtip, azamattardyń qaýipsizdigi men qoǵamdyq tártipti tıimdi qamtamasyz etýge múmkindik beredi.
Aıta ketelik 372 júrgizýshi joldaǵy drıft boıynsha jaýapkershilikke tartylǵan edi.
