Jol júrip kele jatyp energetık sýsyn ishken jigit jedel aýrýhanaǵa jetkizildi

ASTANA. KAZINFORM — Apattar medıtsınasy ortalyǵynyń qyzmetkerleri saıahatshyǵa kómekke keldi. 

Tún ortasynda trassalyq medıtsınalyq-qutqarý pýnktine Almatydan Qaraǵandyǵa kele jatqan avtomashına jolaýshysynyń densaýlyǵy nasharlaǵany týraly habar tústi. 

Jedel áreket etý brıgadasynyń dárigerleri 1981 jyly týǵan er adamnyń 2 banka energetıkalyq sýsyn ishkenin anyqtady.

Sony ishkennen keıin kenet jaǵdaıy nasharlaǵan jigitke jiti pankreatıt dıagnozy qoıylyp, medıtsınalyq kómek kórsetildi. 

Sodan soń naýqas Balqash qalasynyń aýrýhanasyna jetkizildi.

«Energetıkalyq sýsyndardy shamadan tys tutyný densaýlyǵyńyzǵa keri áser etýi múmkin» dep eskertedi apattar medıtsınasy qyzmeti.