«Jol júrisi týraly» zańdaǵy olqylyq túzeletin bolady - Májilis

ASTANA. QazAqparat - Búgin Parlament Májilisiniń jalpy otyrysynda palata depýtattary «Jol júrisi týraly» Qazaqstan Respýblıkasynyń Zańyna ózgerister engizý týraly» zań jobasyn jumysqa aldy.

Eske sala keteıik, atalǵan zań 2014 jyly qabyldanyp, kúshine engen bolatyn. Qoǵamda úlken rezonans týdyrǵan osy qujatqa ózgeris engizýdi Májilis depýtattary qolǵa alyp otyr. «2014 jyly kúshine engen «Jol júrisi týraly» zańda polıtsııa qyzmetkeriniń ruqsatynsyz jolaýshylarǵa kólik quralynan shyǵýǵa tyıym salynǵan norma bar. Bul norma qoǵamda úlken synǵa ushyrap, nátıjesinde osy zań jobasyn ázirleýge túrtki bolyp otyr. Osyǵan baılanysty joǵarydaǵy normany alyp tastaý usynylady», - dedi zań jobasy boıynsha baıandaǵan Zańnama jáne sot-quqyqtyq reforma komıtetiniń hatshysy Svetlana Bychkova.