«Jol júrisi týraly» zań jobasy aıasynda elimizde jol qozǵalysy qaýipsizdiginiń aýdıt ınstıtýty qurylady

Bul týraly búgin Qazaqstan Ortalyq kommýnıkatsııalar qyzmetiniń resmı ókili Altaı Ábıbýllaev málim etti.

Onyń aıtýynsha, 19 maýsymda Májilis Tóraǵasy Nurlan Nyǵmatýlınniń tóraǵalyǵymen tómengi palatanyń jalpy otyrysynda birinshi oqylymda «Jol júrisi týraly» zań jobasy qarastyrylatyn bolady. «Ázirlengen jańa zań jobasy qoldanystaǵy «Jol qozǵalysy qaýipsizdigi týraly» Zańnyń ornyna qabyldanyp, ıntellektýaldy kólik júıesin, joldar men jańa kóliktik quraldardy baǵalaýdyń ulttyq júıesin engizýdi kózdeıdi. Zań jobasy aıasynda elimizde jol qozǵalysy qaýipsizdiginiń aýdıt ınstıtýty qurylmaq», - dedi ol.

Sonymen qatar, aldaǵy aptada Májilistiń jalpy otyrysynda qoldanystaǵy 6 Zańnyń ornyna qabyldanyp otyrǵan biryńǵaı quqyqtyq aktini jáne azamattyq qorǵaýdyń biryńǵaı júıesin qurýdy kózdeıtin «Azamattyq qorǵaý týraly» Zań jobasyn qaraý kózdelgen. Tómengi palata sondaı-aq «qazaqstandyq-rýmynııalyq úkimetaralyq kelisimdi ratıfıkatsııalaý týraly» zań jobasyn qarastyrady.

«21 maýsymda Májilistiń Agrarlyq máseleler jónindegi komıtetiniń uıymdastyrýymen mal sharýashylyǵyn damytýdyń bolashaǵy men ózekti máseleleri týraly tyńdaý ótedi», - dedi ol.