Jol jumystaryna baılanysty keıbir kóshelerde kólik qozǵalysy shekteldi - Astananyń jol polıtsııasy basqarmasy
ASTANA. Tamyzdyń 11-i. QazAqparat - Jol jumystary baılanysty sársenbi kúni elordanyń birqatar kóshelerinde jol qozǵalystary jartylaı jáne tolyq shektelip otyr.
Bul týraly Astananyń jol polıtsııasy basqarmasynyń baspasóz qyzmetinen habarlady.
Atap aıtqanda, asfaltbetonnyń tóselýine baılanysty Saryarqa dańǵyly men Seıfýllın kósheleriniń qıylysynda, sondaı-aq Pýshkın kóshesinde M-3 kópirinen Spetsmontajnyı kóshesine deıingi aralyqta jol qozǵalysy jartylaı shektelip otyr.
Al Moskovskıı kóshesinde Potanın kóshesinen Tilendıev dańǵylyna deıingi aralyqta kólik qozǵalysy tolyq jabylsa, Moldaǵulova kóshesinde Potanın kóshesinen Jeńis dańǵylyna deıingi aralyqta kólik qozǵalysy jartylaı shektelip otyr.
Qajymuqan kóshesi Táýelsizdik dańǵylynan Abylaı han dańǵylyna deıingi aralyqta burynǵysynsha jabyq, tek Mırzoıan kóshesinde ǵana tikeleı qozǵalysqa ruqsat etilgen. Bul jerde jol tósemi tolyq jańartylýda.
Jol polıtsııasy júrgizýshilerge júretin joldaryn aldyn ala josparlaýǵa jáne jol belgileriniń talaptaryn, ınspektorlardyń nusqaýlaryn qatań saqtaýǵa keńes berýde.
