Jol jóndeýge baılanysty elordanyń birqatar kóshesi jabylady
ASTANA. QazAqparat - 19 tamyzdan bastap Astanada Aıǵanym kóshesi boıynsha qozǵalysqa shekteý qoıylady, dep habarlaıdy qala ákimdiginiń baspasóz qyzmeti.
Avtomobıl joldarynyń ortasha jóndeý jumystary aıasynda elordada Aıǵanym kóshesi boıynsha Qorǵaljyn tas jolynan Ulbıke aqyn kóshesine deıin ýchaskede jóndeý jumystaryn júrgizý josparlanýda.
Osyǵan baılanysty 19-27 tamyz aralyǵynda atalǵan ýchaskede kólik qozǵalysy úshin jol jabylady.
Elorda turǵyndary men qonaqtaryna qala joldarynda keptelis jaǵdaılaryna tap bolmas úshin júrý marshrýttaryn aldyn ala josparlap alýǵa keńes beriledi.
