Jol jóndeýge 10 mlrd teńge tıimsiz bólingeni anyqtaldy
ASTANA. KAZINFORM – Prokýrorlyq qadaǵalaý sharalary nátıjesinde respýblıkalyq avtojoldardy jóndeýge bólingen 9,8 mlrd teńgeniń tıimsiz jumsalýyna jol berilmedi.
Jol jobalaryn zerdeleý barysynda «RF shekarasy (Samaraǵa) – Shymkent» avtojolyn ortasha jóndeý kezinde onyń jekelegen ýchaskeleri «Ulǵaısyn – Sekseýil» avtojolyn josparlanǵan rekonstrýktsııalaý jumystarymen de qamtylǵany anyqtaldy.
Osyǵan baılanysty prokýrorlyq den qoıý sharalary boıynsha jumys kólemi qaıta qaralyp, nátıjesinde 7,1 mlrd teńge únemdeldi.
Basqa jaǵdaıda «Jetibaı – Jańaózen – Kendirli – Túrikmenstan shekarasy» avtojolyn kúrdeli jóndeý kezinde smetada jekelegen materıaldar men jumystarǵa durys emes baǵalar kózdelgen.
Prokýratýranyń usynýy negizinde smetalyq qun qaıta eseptelip, joba quny 21,6 mlrd teńgeden 18,9 mlrd teńgege deıin tómendetildi.
Bas kólik prokýratýrasy jol salasyndaǵy bıýdjet qarajatynyń jumsalýyna qadaǵalaý jalǵasyp jatqanyn habarlady.
Aıta keteıik, Qazaqstanda jol sapasyn baǵalaýǵa qoıylatyn normatıvtik talaptardy qaıta qaraý boıynsha jumys júrgizilip jatyr. Buǵan jergilikti joldarda júrgizilgen zerthanalyq synaqtardyń nátıjeleri de negiz bolyp otyr.
