Jol jóndeýde alaıaqtar paıda boldy - «QazAvtoJol» Basqarma tóraǵasy

NUR-SULTAN. QazAqparat – Alaıaqtar óz áreketterin qalaı júzege asyratyny jáne olardan saq bolý kerektigi týraly QazAvtoJol ulttyq kompanııasynyń basqarma tóraǵasy Ulan Álipov aıtyp berdi, dep habarlaıdy QazAqparat tilshisi.

«Bizdiń salada qazir alaıaqtar paıda boldy. Olar qalaı jumys isteıdi? Bizde jol salý nemese jóndeýde negizgi merdiger kompanııadan bólek, qosymsha merdiger kompanııa bolady. Alaıaqtar sol qosymsha merdiger kompanııalar arqyly ózderiniń zańsyz qyzmetin usynady. Osy oraıda jol jóndeý jumystary boıynsha qajet qyzmet pen mamandy ózimizdiń resmı saıt nemese áleýmettik jelidegi paraqshamyz arqyly júrgizetin boldyq. Odan bólek, jýyrda Sybaılas jemqorlyqpen kúres agenttigine arnaıy hat joldap, osy problemamen birlesip kúresýdi usyndym», - dedi U. Álipov.

Aıta ketsek, buǵan deıin ulttyq kompanııa basshysy jol salasynda maman tapshylyǵy baryn málim etken bolatyn.