Jol jóndeý jumystaryna baılanysty Astananyń keıbir kóshelerinde kólik qozǵalysy shekteldi
ASTANA. Mamyrdyń 24-i. QazAqparat - Qazaqstan elordasynda jol jóndeý jumystaryna baılanysty keıbir kóshelerdegi kólik qozǵalysy tolyǵymen shekteldi, dep habarlaıdy Astana qalasy jol polıtsııasy basqarmasynyń baspasóz qyzmeti.
Asfalt qabatyn tegisteý jumystaryna baılanysty Astanadaǵy B.Momyshuly kóshesinen Fabrıchnyı kóshesine deıin Táýelsizdik kóshesindegi kólik qozǵalysy tolyǵymen shekteldi, delingen habarlamada.
Sonymen qatar, júrginshi aýmaǵyn jóndeý jumystaryna baılanysty kólik qozǵalysy myna kóshelerde ishinara shekteldi.: Jeltoqsan kóshesinde: Abaı dańǵyly men Kenesary kóshesine deıingi ýchaskede. Granıtti jol jıegin alý jáne jóndeý jumystaryna baılanysty Abaı dańǵyly, Mojaısk kóshesinen Sembınov kóshesine deıin kólik qozǵalysy ishinara shekteldi.
«Sondaı-aq asfalbetondy jabynnyń tómengi qabatyn tegisteý jumystaryna baılanysty Saraıshyq kóshesinde: Qabanbaı batyr dańǵylynan Aqmeshit kóshesine deıin aýmaqtarda kólik qozǵalysy ishinara shekteldi», - delingen baspasóz qyzmetiniń habarlamasynda.
Munan basqa, Kenesary, Kravtsov, Jangeldın, Tımırıazev kóshelerinde, Jeńis, Respýblıka dańǵyldarynda, sondaı-aq temirjol vokzaly men Óndiris kentindesý qubyrlaryn tóseý jáne abattandyrý jumystary júrgizilýde.
