Jol jaǵdaıyn baqylaýǵa arnalǵan qosymsha 2020 jyly iske qosylady

NUR-SULTAN. QazAqparat - Arnaıy ázirlengen jol aktıvterin basqarý júıesi respýblıkalyq jáne jergilikti mańyzy bar joldardyń jaǵdaıyn baqylap, jol boıynda qyzmet kórsetetin nysandar, aıaldamalar, eldi mekender men merdiger uıymdar týraly tolyq aqparat berip otyrady. Bul jóninde Indýstrııa jáne ınfraqurylymdyq damý mınıstrliginiń baspasóz qyzmetine silteme jasap QazAqparat habarlaıdy.

«Joǵaryda atalǵan málimetterdiń barlyǵyn Avtomobıl joldary komıteti ulttyq jol aktıvteri sapa ortalyǵy jınap otyrady. Júıede birinshi kezekte uzyndyǵy 24 myń shaqyrymdy quraıtyn respýblıkalyq mańyzy bar avtomobıl joldary jónindegi aqparat qoljetimdi bolmaq. Budan keıin jergilikti joldardyń jaǵdaıyna qatysty málimetter engiziledi» delingen habarlamada.

Júıe tehnıkalyq turǵyda kelesi jyldyń mamyrynda iske qosylady dep kútilýde. Al paıdalanýshylar ony 2020 jyldyń 1 maýsymynan bastap qoldana alady.

«Jol aktıvterin basqarý júıesi» qosymshasyn Android jáne iOS platformasynan tegin júktep alýǵa bolady.