Jol jabylǵanyn elemeı saparǵa shyǵyp ketken júrgizýshilerge aıyppul salyna bastady
3 qańtardan bastap Abaı oblysynda aýa raıynyń kúrt nasharlaýyna baılanysty respýblıkalyq jáne jergilikti mańyzy bar barlyq trassalar jabyldy.
Tártip saqshylary jolǵa shyqqan eki júrgizýshige birneshe ret eskertý jasaǵan. Degenmen olar eskertýge qulaq aspady.
Quqyq qorǵaý organy qyzmetkeriniń zańdy talabyna baǵynbaı, kólik qozǵalysyn toqtatýdan bas tartyp, óz ómirine ǵana emes, jolaýshylardyń ómirine de qaýip tóndirdi.
«Eki júrgizýshi QR ÁQBtK 667-baby «Quqyq qorǵaý organy qyzmetkeriniń zańdy buıryǵyna nemese talabyna baǵynbaý» boıynsha ákimshilik jaýapkershilikke tartyldy» dep habarlady Abaı oblysy polıtsııasynan.
Atalǵan baptyń sanktsııasymen otyz aılyq eseptik kórsetkish mólsherinde aıyppul túrindegi jaza nemese on bes táýlikke deıin ákimshilik qamaqqa alý kózdeledi.
Foto: t.me/dp_abai
